Google ADS

Arrestohen 19 anëtarë të dyshuar të Shtetit Islamik

22:47 | 11 Prill 2017
Trina Galanxhi

Nëntëmbëdhjetë anëtarë të dyshuar të grupit të Shtetit Islamik, të dyshuar për përgatitjen e akteve të sabotimit për të prishur referendumin e parashikuar të dielën, u arrestuan sot në Turqi, njoftoi agjencia zyrtare turke e lajmeve Anadolu Agency.

”Nëntëmbëdhjetë persona, 10 turq dhe nëntë sirianë u arrestuan në Izmir në kuadër të një hetimi për projektet e Shtetit Islamik që parashikonte të pengonte zhvillimin e qetë të referendumit për rritjen e pushteteve të presidentit Recep Tayyip Erdogan”, konfirmoi Anadolu Agency.

Gjatë kontrolleve në banesat e tyre, u sekuestruan dokumente të shumta që lidhen me Shtetin Islamik dhe veshje të destinuara për luftime, sipas Anadolu, që shtoi se të dyshuarit ishin në kontakt me anëtarët e Shtetit Islamik në Siri.

Shpërndaje në rrjete sociale

Lajmet më të lexuara

Të ngjashme

Foto lajm